Posted in love, poetry, Thoughts, Uncategorized, writing, poetry, prose, inadequacy,, Young girls

Wo ladki… (February special)

Meri kahaanio me ek ladki rehti hai,

Haalaki zyaada kahaniaan nahi hain mere paas

Par jitni bhi hain, unme wo ladki zaroor rehti hai.

Jalti hu mai us se, thoda sa. Bahut saara.

Har wo cheez jo mujhe khud me chahiye, wo usme hai.

Usko maafi maangna aata hai, usko dil jeetna aata hai.

Usko pyaar karna aata hai.

Aur mujhe to aap jaante hi hain.

Capture
Source: Dumbo’s diary

Sabse buri baat pata hai kya hai?

Usko baate karna aata hai.

Kameeni har dafa sahi waqt par sahi shabd bolti hai,

Aur meri tarah gaaliaan bhi nahi deti.

Har baar shabd hote hain uske paas.

Aur mai? Mere paas sirf tark rehte hain. Kadwe, teekhe.

Ladti wo bhi hai, sehti wo bhi nahi,

par ada hai usme.

Aur mujhe to aap jaante hi hain.

Capturedf
Source: Maxpixel

Kheli mere saath hi, badi mere saath hi hui

Par pata nahi kaise wo itni bahaadur nikli

Ki apni galtio ko maan ke aaraam se theek kar leti hai

Aur mai zid se, sharm se aur fir glaani se hi nahi ubhar paati.

Sahi samay par khaati hai, mui exercise bhi karti hai.

Kilasti hu mai ye dekh ke ki usko apna bhi

Aur apno ka bhi

Khayal rakhna aata hai.

Uske pyaar me girna sabke liye itna aasaan hai.

Aur mujhe to aap jaante hi hain.

jb
Source: eWallpapers.eu

Ye jo ladki ha na

Ye ajeeb hi hai.

Jab rehna meri kahaanio me hi hai,

To meri dost hi bann jaati.

Par waha ye chook jaati hai

Laakh achha dil kyu na ho iska,

Ye bhi meri tarah, meri dost nahi bann sakti.

Aap kya kehte hain? Itna daag to chalta hai na?

Khair mujhe to aap aante hi hain.

 

 

 

Advertisements