Faraar

Abb aisa mere yaar kar do
Mujhe apne bheetar se
faraar kar do.

Mujhe udna nahi hai
aasmaano me.
Khwabo ke tarz par
bass pankh taiyaar kar do.

Bijliyaan kabb se kaundh ke
iltaja kar rahi hain
Aabshaaro ki inpar
zara bauchhaar kar do.

Bada guroor hai chaand ko
ki chaandni gori hai.
Aaj taaro ki raakh se
use sharmsaar kar do.

Ye lekha jokha zakhmo ka
ye ganit badi pecheeda hai
jod lo mere jalwe ,
apni hasi udhaar kar do

Ek bhool ki dhool thi seene me,
ek aas ki faans thi jeene me
mujhse leke kasme tum
vaade hazaar kar do.

Wo haan waale vaade badi
tasalli de dete hai
aisa karo ki sbb so jaaye,
aaj neende inkaar do

Abb aisa mere yaar kar do
mujhe apne bheetar se
faraar kar do

image

Advertisements